62-5599 [SLTB Deraniyagala Depot] - Pettigalawaththa Workshop

ශ්‍රී ලංකා ගමනාගමන මණ්ඩලයේ පෙට්ටිගලවත්ත ප්‍රාදේශීය වැඩපොළේ අලුත්වැඩියා කෙරෙමීන් පැවති, දැරණියගල ඩිපෝවට අයත් 62-5599 බස් රථය. මෙම රථය අලුතෙන් බොඩි සකසා පූර්ණ අලුත්වැඩියාවකට ලක් කෙරුණි.

ඔබ සැමට සිරි සුබ නව වසරක් වේවා ! Wish you a Happy New Year !

ශ්‍රී ලංගම අටමස්ථාන වන්දනා සේවය | Atamasthaana Special Pilgrimage Service from SLTB

ශ්‍රී ලංගම අනුරාධපුර ඩිපෝව මගින් පසුගිය මාර්තු 05 වැනිදා සිට සුවිශේෂී නව බස් රථ සේවාවක් ආරම්භ කරන ලදී. "අටමස්ථාන වන්දනා සේවය" ලෙස නම් කර ඇති මෙම නව බස් සේවාව, එක් අතකින් සමාජ මෙහෙවරක් ලෙසද හැඳින්විය හැක.
අනුරාධපුරයේ අටමස්ථාන වන්දනාවේ යෙදෙන බැතිමතුන් වෙනුවෙන්ම වෙන් කෙරුණු මෙම සේවාව මගින් ඉතා සුළු මුදලකට සියලුම පූජනීය ස්ථාන වෙත ගමන් පහසුව සලසාගත හැක.

NB 5379 [SLTB - Mathugama Depot]

ශ්‍රී ලංගම මතුගම ඩිපෝවට අයත් ලංකා අශෝක් ලේලන්ඩ් Lynx මාදිලියේ බස් රියක් [NB5379] / [Fleet No. MG27] නෙළුව බස් නැවතුම්පොළේ නවතා ඇති අයුරු. මෙම බස් රිය නෙළුව හරහා මතුගම-පැලවත්ත අතර ධාවනය වේ.
SLTB (Sri Lanka Transport Board) Mathugama Depot Lanka Ashok Leyland LYNX Bus [NB5379] / [Fleet No.27] at Neluwa Bus stand.

Front Side

ඔබ සැමට 2015 අලුත් අවුරුදු සුබ පැතුම් !

New Buses to Sri Lanka Transport Board | ශ්‍රී ලංගමට අලුත් බස්.

     ගමන් සගයාට අලුත් බස්

ශ්‍රී ලංකා ගමනා ගමන මණ්ඩලයේ රථ ඇණිය පුළුල් කිරීමේ අරමුණෙන් ඉන්දියාවේ අශෝක් ලේලන්ඩ් සමාගමෙන් ගෙන්වීමට නියමිත බස් රථ 2200න් පළමු කොටස පසුගියදා මෙරටට ළඟාවිය. මෙම මුල් බස් තොගයෙන් බස් 100ක් පසුගියදා ඌව පළාතේ ශ්‍රී ලංගම ඩිපෝ සඳහා බෙදා දීම සිදුවිය.

මෙම බස් රථ වලින් ආසන 54 බස් රථ දුර ගමන් සේවා සඳහාත්, ආසන 42  රථ කෙටි  දුර සේවා සඳහාත් යෙදවීමට නියමිතය.

මෙසේ ගෙන්වීමට නියමිත 2200න් යුත් බස් රථ වලින් 1200ක් සඳහා මූල්‍යමය ප්‍රතිපාදන පසුගිය අයවැයෙන් ලැබී ඇති අතර ඉතිරි බස් 1000 ලංකා අශෝක් ලේලන්ඩ් සමාගම හරහා කල්බදු ක්‍රමය යටතේ මිලට ගැනෙනු ඇත.

ශ්‍රී ලංගම සදහා ලැබුණු නව LAL Turbo ආසන 54 බස් රථ ලේලන්ඩ අංගයනය තුලදී.

සුනාමි බස් ගැන නොදන්නා ඔබට | SLTB Tsunami buses

www.sltbbus.blogspot.com වෙබ් අඩවියෙන් උපුටාගත් ලිපියකි.

Mitsubishi Aero Star City Bus

ISUZU U-LV324K City Bus

Hino HT City Bus

ශ්‍රී ලංගම අධිසුඛෝපභෝගී සංචාරක ප්‍රවාහන සේවය | SLTB Super Luxury Tourist Transport Service

පොදුරාජ්‍ය මණ්ඩලීය රාජ්‍ය නායක සමුළුව වෙනුවෙන් මෙරටට ගෙනා අධි සුඛෝපභෝගී බස් රථ වලින් 68ක් පොදු මගී ප්‍රවාහන කටයුතු වෙනුවෙන් ශ්‍රී ලංකා ගමනාගමන මණ්ඩලයට ලබාදීම මෑතකදී සිදුවිය. එම බස් රථ මේ වනවිට අධිවේගී මාර්ග වලත් , සංචාරක වැදගත්කමකින් යුතු ප්‍රදේශ කිහිපයක් ඉලක්ක කරගෙනත් ධාවනයට යොදා ඇත.මේ එම බස් රථ භාවිතය පිළිබඳ  ශ්‍රී ලංකා ගමනාගමන මණ්ඩලයේ අධි සුඛෝපභෝගී සංචාරක ප්‍රවාහන සේවයේ ධාවන කළමණාකරු විජිත ජයසුන්දර මහතා සමඟ සිදුකළ සංවාදයකි.

විජිත ජයසුන්දර මහතා

* ශ්‍රී ලංගමයට ලබාදුන් අධි සුඛෝපභෝගී බස් රථ මගී ජනතාව වෙත ළඟා කර ඇත්තේ කෙසේද?         

දැනට අධිවේදී මාර්ග වල බස් කිහිපයක් ධාවනයට යොදවා තිබෙනවා.  ඊට අමතරව අපි විශේෂ ගමන් බිමන් සංචාර සඳහා (විශේෂ චාරිකා) කුලී පදනම මත ලබාදීමට බස් රථ කිහිපයක් වෙන්කර තිබෙනවා.          

අපි අලුතින්ම ආරම්භකළ සේවාව තමයි සංචාරක ප්‍රදේශ ආවරණය වෙන්න දිනපතා බස් රථ සේවයක් කොළඹ පිටකො‍ටුවෙන්  ක්‍රියාත්මක කිරීම.
අපට ලැබුණු බස් 68ක් මේ අයුරින් ශ්‍රී ලංකා ගමනාගමන මණ්ඩලයේ අධිසුඛෝපභෝගී සංචාරක ප්‍රවාහන සේවය නමින් වන නව ඒකකය මගින් පාලනය කරනු ලබනවා.

අධිවේගී මාර්ගවල කඩුවෙල-මාතර , කඩුවෙල-ගාල්ල , මහරගම-මාතර ,  මහරගම-ගාල්ල , මීගමුව-කොළඹ , මීගමුව-ක‍ටුනායක ආවරණය වන පරිදි බස් සේවා පවත්වාගෙන යනවා.
ඊට අමතරව කුරුණෑගල-මහනුවර , කල්පිටිය-කොළඹ , පුත්තලම-කොළඹ , කුලියාපිටිය-කොළඹ ,    හලාවත - කොළඹ මාර්ග වලත් මේ බස් රථ ධාවනයට යොදවා තියෙනවා.

නොමියෙන පැරණි මතකයක් | An Ancient Picture of a CTB bus

බස් ගමනාගමනය ජනසතු කළ ආසියාවේ දෙවන රට බවට ලංකාව පත්කරමින් "ලංකා ගමනා ගමන මණ්ඩලය" (වත්මන් ශ්‍රී ලංකා ගමනා ගමන මණ්ඩලය) පිහිටවූ 1958 ජනවාරි 01 දින ලබාගත් ජනසතු
බස් රියක ඡායාරූපයක්.
තරමක් අපැහැදිලි වුවද බස් රිය සමඟ එක් ‍රැස් වී සිටින ජන පිරිස අනූව එදා දවස මෙරට සාමාන්‍ය පොදු මගී ජනයාට කෙතරම් වැදගත් දිනයක් වූයේදැයි සිතාගැනීම අපහසු නොවේ.

පැරණි පුවත්පතක පළවූ ඡායාරූපයක් වූ මෙය අප වෙත සැපයූ අනූප කවිනිඳු මහතාට අපගේ ස්තූතිය.
picture submitted by Mr.Anupa Kavinindhu

Bus fleet of the Southern Western Omni Bus Company

ඉහත ඡායාරූපයේ දැක්වෙන්නේ බස් ජනසතු කිරීමට පෙර පැවති "බස් සමාගම්" අතුරෙන් ප්‍රමුඛ ස්ථානයක පිහිටියාවූ "ඔමිනි බස් සමාගම" සතුව පැවතියාවූ බස් රථ ඇණියෙන් කොටසකි. ලංකා ගමනා ගමන මණ්ඩලය පිහි‍ටුවීමත් සමඟ මෙම බස් රථ රජයට පවරාගෙන ජනසතු කරන ලදී.

මෙම ඡායාරූපයේ මුල් හිමිකරු කවුරුන්දැයි නොදන්නේවුවද  අප ඔහුට හෝ ඇයට අපගේ ස්තූතිය පිරිනමන්නෙමු.

ඡායාරූපය සැපයීම  "සනේෂා එරන්දි සඳමාලි" විසිනි.
Picture from - "Sanesha Erandhi Sandhamali."
ඡායාරූපයේ අයිතිය මුල් හිමිකරු/හිමිකරුවන් සතුය.

British Leyland Olympian Bus

ශ්‍රී ලංකා ගමනා ගමන මණ්ඩලය ( එවකට " ලංකා ගමනා ගමන මණ්ඩලය" ) සතුව පැවති බ්‍රිටිෂ් ලේලන්ඩ් ඔලිම්පියන් (British Leyland Olympian) වර්ගයේ බස් රථයක්.
ඡායාරූපය ලබාගෙන ඇත්තේ 1958 සැප්තැම්බර් 30 වැනිදාය.

ඉහල පෞරාණික වටිනාකමක් ඇති මෙම ඡායාරූපය  සංරක්ෂිතව පවත්වාගැනීම පිළිබඳව අදාල සියලු පාර්ශවයන්ටත්, විශේෂයෙන්ම එම ඡායාරූප ශිල්පියාටත් අප ස්තූතිවන්ත විය යුතුය.


ඡායාරූපය "British commercial vehicle museum" විසිනි.
Picture from "British commercial vehicle museum"
ඡායාරූපයේ අයිතිය මුල් හිමිකරු/හිමිකරුවන් සතුය.

62-6529 [SLTB - Galle Depot]

ශ්‍රී ලංගම ගාල්ල ඩිපෝවට අයත් ලංකා අශෝක් ලේලන්ඩ් වර්ගයේ 62-6529 අංක දරන බස් රථය.මෙය ගාල්ල- වක්වැල්ල අතර ධාවනය වේ. උදෑසන 5.50 ට වක්වැල්ලෙන් ගමන් අරඹන මෙම බස් රිය නැවත උදෑසන 11.45 ට වක්වැල්ලට ලඟාවීමෙන් දෛනික සේවා වාරය අවසන් කරයි. ඒ අතර කාලයේ ගමන් වාර 6ක් පමණ සිදුකරයි.

NB 4467 [SLTB | Galle Depot]

63 - 1581 Lanka Ashok Leyland Comet Minor [ SLTB | Udugama Depot ]

 ශ්‍රී ලංකා ගමනා ගමන මණ්ඩලයේ උඩුගම ඩිපෝවට අයත් 63-1581 අංක දරණ (UG 55) ලංකා අශෝක් ලේලන්ඩ් කොමට් [Lanka Ashok Leyland Comet] වර්ගයේ තනි දොර බස් රථය[Comet Minor]. දැනට මෙය තවලම - අකු‍රැස්ස අතර ධාවනයේ යෙදේ.මෙය දෛනික ආදායම රුපියල් 10,000 ඉක්මවන ලාභ ලබන බස් රථයකි.

උදෑසනම පොඩි අප දිව එනවා..කොහේද සැඟවී එළියට එනවා... | 63-2195 - Udahamulla Depot

ගාමිණී විජේතුංග මහතා විසින් රචනා කරන ලදුව  ලලිත් සිරිවර්ධන  ඇතුළු කණ්ඩායම විසින් ගායනා කරනු ලබන " උදෑසනම පොඩි අපි දිව එනවා.. කොහේද සැඟවී එළියට එනවා" ගීතයේ රූප රචනාව සඳහා යොදාගෙන තිබෙණුයේ ශ්‍රී ලංකා ගමනා ගමන මණ්ඩයේ උඩහමුල්ල [UM] ඩිපෝවට අයත් 'ටාටා 909' වර්ගයේ බස් රථයකි.

එය UM52 සමූහ අංකය සහිතවූ 63-2195 දැරූ බසයයි.

මෙම ගීතයේ රූප රචනාව 'ටොරානා මියුසික්' ආයතනය විසින් සිදුකර ඇත.

62-5779 [SLTB Udgama Depot]

62-5779 @ Udugama depot bus yard.

ශ්‍රී ලංකා ගමනාගමන මණ්ඩලයේ උඩුගම ඩිපෝවට අයත් 62-5779 අංක දරණ ලංකා අශෝක් ලේලන්ඩ් වර්ගයේ බස් රථය.

ශ්‍රී ලංගමට අධි සුඛෝපභෝගී බස් රථ 50ක් | 50 High luxury buses to Sri Lanka Transport Board

Add caption

 අධිවේගී මාර්ග හරහා සිදුකෙරෙන රාජ්‍ය පොදු ප්‍රවාහනය වඩාත් දියුණු තත්ත්වයකට ගෙන ඒමේ අරමුණෙන් අධි සුඛෝපභෝගී බස් රථ 50ක්, මුදල් අමාත්‍යාංශය විසින් ඊයේ(2014 මාර්තු 13) ප්‍රවාහන අමාත්‍යාංශය වෙත බාරදීම ගරු ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් ගාලු මුවදොර පිටියේදී උත්සවාකාරයෙන් සිදුවිය.

wpNA 4128 [ SLTB - Kalawana Depot ]

ශ්‍රී ලංගම කලවාන ඩිපෝවට අයත් wp NA 4128 [KLW62]අංක දරන ලංකා අශෝක් ලේලන්ඩ් මාදිලියේ මෙම බස් රථය කලවාන- ගාල්ල අතර සාමාන්‍ය ධාවනයේ යෙදේ.

pix by Darshana Chandimal @ Galle

wpNA 9009 [ SLTB - Akuressa Depot ]

pix by- Darshana Chandimal @ Galle

ශ්‍රී ලංගම අකු‍රැස්ස ඩිපෝවට අයත් wpNA 9009 [AK09]අංක දරන ලංකා අශෝක් ලේලන්ඩ් මාදිලියේ මෙම බස් රථය අකු‍රැස්ස- කොළඹ අතර සාමාන්‍ය ධාවනයේ යෙදේ.

බීමත් අයෙකු අනුරාධපුරයේදී ලංගම බසයක් ගිනිබත් කරයි

බීමත් පුද්ගලයෙකු විසින් අනුරාධපුර පැරණි බස් නැවතුම්පොළේ නවතා තිබූ ශ්‍රී ලංගම බස් රථයකට ගිනිතබා ඇත.[2014 පෙබරවාරි 15, රාත්‍රියේ]
මෙම පුද්ගලයා බීමතින් පැමිණ බසයේ රියදුරු සමග ආරවුලක් ඇතිකරගෙන ඇති අතර , පසුව බස් රියට පෙට්‍රල් දමා ගිනි තබා තිබේ.
ගින්නෙන් විනාශ වූ NA-1136 අංක දරණ මෙම බස් රිය අනුරාධපුර ඩිපෝවට NA කාණ්ඩය යටතේ ලැබුණු ප්‍රථම බස් රියයි.

 අනුරාධපුර සිට තන්තිරිමලය  දක්වා ධාවනය වන මෙම බස් රථය ගින්නෙන් බේරාගැනීමට අනුරාධපුර නගර සභා ගිනි නිවන ඒකකය සහ ප්‍රදේශවාසීන් මහත් වෙහෙසක් දැරුවද  සියළු උත්සාහයන් ව්‍යවර්ථ කරමින් බසය සම්පූර්ණයෙන්ම විනාශවී ඇත.
මේ වන විට අදාල සැකකරු අනුරාධපුර පොලීසිය විසින් අත් අඩංගුවට ගෙන ඇති අතර ඔහු හෙට දින [2014.02.17] අධිකරණයට ඉදිරිපත් කිරීමට නියමිතය.